الرياضية
التعليمية
الاجتماعية
والأقمار الصناعية| سايق عليك النبي .. إلا .. رغيف العيش | |
| طب ما أنت عارف .. ده غيره للغلابه ما فيش | |
| بنلفه .. وبنقطمه .. لو هو حاف .. حنعيش | |
| أصل الغموس إفترا .. أصبح كإنه حشيش | |
| وماهيتي .. ما أنت عارف .. عره ماتكفيش | |
| مع إني بيه في الوزارا .. تحت أمري جيش | |
| موظفين تتنطر .. لما أنزل التفتيش | |
| وساعي على مكتبي .. ما هي منظرة وتهويش | |
| وأول الشهر .. نفسي استسمحه .. ما يجيش | |
| وادعى على روحي أقول : يارب ما يلاقينيش *** | |
| أصل الماهية كده .. هي العدم ذاته | |
| والفقر ساكن في بيتنا .. هو واخواته | |
| وعندي كبشة عيال .. تقدر تقول ماتوا | |
| وعزرائين كل يوم .. يبعت تحياته | |
| لأسرة من غير عشا .. اتعودوا يباتوا | |
| وربهم – حضرتي – متداري في سكاته | |
| ومافيش حديث مشترك .. غيرهه .. خدوا وهاتوا | |
| واليوم يعدي كشر .. في كل أوقاته | |
| والبؤس في وشنا .. راسم علاماته | |
| والله لولا الرغيف .. كانوا العيال ماتوا | |
| *** | |
| كان نفسي أسرق واعيش .. لكن مانيش عارف | |
| مش لاقي شئ أسرقه .. لاتفتكر خايف | |
| فيه ناس كتير .. ربنا .. أسعدها بوظائف | |
| السرقة فيها عجب .. والرشوة سيل جارف | |
| والدرج ده بينفتح .. علناً .. وأنا شايف | |
| وفيه طابور بالبرايز .. يرمي ع الواقف | |
| واللي يطنش يقول له : " غور بقى .. آسف | |
| طلاق تلاته ما تمشي شغلتك .. حالف " | |
| أدفع خلو اتنقل .. من مركزي الهايف | |
| لمكان طري .. عبقري .. اصل انا تعتب م الناشف *** | |
| خلي الرغيف يسترك .. من غيره نعمل إيه ؟ | |
| كان جنبه كيلو البطاطس .. بيساعدنا يا بيه | |
| أصبحنا كيلو البطاطس .. ويازيت نقليه | |
| بيحش وسط الماهية .. خمسه سته جنية | |
| والعدس الاصفر .. الهي ربنا يلغبه | |
| بقى من ولاد الذوات .. عالي النسب .. أحيه | |
| كشري ؟ .. يا راجل حرام .. والله ما نحلم بيه | |
| ده عدس .. رز .. وبصل .. والأوطه .. ساكت ليه؟ | |
| صحن البصارة زمان.. قالوا عليه إخيه | |
| دلوقتي لو يلمحوه .. ينحط .. مش حالاقيه | |
| *** | |
| قول للجيران يختشوا .. ويراعوا حق الجار | |
| سباك سكن جنبنا .. خلي العيال تنهار | |
| يوماتي يشوى ويقلي .. وريحته يا ستار | |
| وأشوفه شايل .. محمل .. فاكهة ولا خضار | |
| واما يقابلني يقولي : " عندي ليك جزار | |
| جرب تدوق لحمته "" .. إخيه على ده هزار | |
| جاهل .. ونفسي انصحه .. وأبلغه انذار | |
| وأقول له : افهم بقى .. اللحمة دي شئ ضار | |
| والفرخة دي سم هاري .. كلها اخطار | |
| اسمع كلام الدكاتره .. وأنت يا ابني حمار؟ *** | |
| زمان زمان .. ياه زمان .. أيام ما كان فيه خير | |
| وكانت أمي .. تربي .. فوق سطوحنا الطير | |
| الوز بتزغطه .. والبط ايه ؟ ده كتير | |
| فراخنا كانت كده .. وشامورت .. مش عصافير | |
| والبيض تلمه يوماتي .. في حجرها يا أمير | |
| وتفقشه لنا كده .. في الزبده .. شغل خبير | |
| الأكل كان له زمان .. شمخه .. وله تأثير | |
| ينزل بيسري .. ويمري .. ريحته .. طعمه خطير | |
| وكنا بنشرب في قله.. سلسبيل م الزير | |
| كان الدقيق يتنخل .. كان منخل امي حرير | |
| *** | |
| دلوقتي حتى الهوا .. راخر .. بقى مسموم | |
| والنيل بقت ميته .. مية دموع وهموم | |
| والاكل اصبح كإنه .. بنشتريه مهضوم | |
| والنوم وخم .. والعيال .. مرضى بداء النوم | |
| لو تنضرب بالصرم .. مافيهاش مرَّوة تقوم | |
| والداء بكل الملل .. شانن علينا هجوم | |
| كبد .. وايدز .. وفشل كلوي .. وزمن مشئوم | |
| حاسس كأن القيامة قربت حتقوم | |
| وكل يوم ينتهي .. بافتركه اخر يوم | |
| طربقها يالا بقى .. يا حي يا قيوم *** | |
| زمان زمان .. كان أبونا .. كان عامود البيت | |
| كان محترم محترم .. إحنا ابهات هلافيت | |
| كان نظرته .. شخطته .. أقوى من الديناميت | |
| ودخلته .. ليها هيبة ؟؟ .. ايه .. تقولش ابو زيت ؟ | |
| ما هو كان مكفي .. ياريتني كنت زيه يا ريت | |
| انا ما افتكرش اننا .. طبخنا مره بزيت | |
| ولا نمت غير ما يسأل : خد هنا .. اتعشت ؟ | |
| وأمنا الطيبة .. موصوفه في الحواديت | |
| في بيت مليان بالادب .. والخير .. انا ترتبيت | |
| وبقى الكبير محترم .. في البيت .. وبره البيت | |
| *** | |
| دلوقتي تلقى الولد .. مابيحترمش ابوه | |
| والفقر هو السبب في المهزلة دي ياهوه | |
| وبقى العيال في الطريق والمدرسة .. إتفوه | |
| مابقاش كبير في الحياة .. أبدأ .. بيحترموه | |
| فين المعلم زمان .. ياللي انتوا عاصرتوه | |
| كان نظرته للعيال .. تجعل صوابها يتوه | |
| دلوقتي سوق الدروس .. خلي العيال عملوه | |
| سلعة .. بضاعة .. رخيصه .. واشتروه وباعوه ما بقاش مبادئ خلاص .. حتى الشرف دفنوه وبقينا غابة وديابة .. الاخ ياكل اخوه *** العيش بنحلف عليه .. ماهو ده اللي عارفينه لا مؤاخذه مش أي عيش .. لا تفكر الفينو لأ .. عيشنا .. أبومسمار .. وأبو صرصار وقابلينه لو حتى فيه ديناصور .. والله واكلينه لو حتى فيه الفيران بتنط .. عاوزينه زود لنا رملته .. زود لنا طينه ما هما دول كلسمه .. ودول بروتينه ونطمنك .. مش حنشكي تاني ماحناحمدينه حامدين قوي ربنا .. إن احنا لاقيينه واللي في يوم يشتكي .. قطع مصارينه *** غلوا لهم اللحمه ولاد البعدا يستاهلوا غلوا لهم التفاح .. الهي يعدمه أهله غلوا لهم الكافيار .. دانا ما اعرفش ايه شكله والفاكهة رخره .. عشان يتسمموا يحلوا غلوا لهم الجبنة رومي .. لجل ينذلوا غلوا كما الفراخ والجمبري غلوا غلوا الحمام .. والسمك .. دول عمالين ياكلوا غلوا الياميش .. هما لازم يعني يتسلوا ؟ غلوا جميع اللي مابناكلوش .. حيتشلوا بس الرغيف .. والنبي .. خلوه كده .. حاولوا *** وأنا باوعدك .. لما حاسرق .. وأبقى م الشطار والقرش يكتر في ايدي .. ويجري باستمرار حاستسمحك في الرغيف .. خليه بألف دولار وانشالله حتى الغلابه .. يولعوا في النار وحا حلفك بالنبي .. لترخص الكافيار وتجيب لي بندق .. وفزدق .. حاكله باستهتار واللغي لنا فول الفقير .. هو الفقير ده حمار؟ قرب ينهق .. ويأكل منه ليل ونهار بس أوعى تعمل ده .. الا إن بقيت منشار وأعمل رصيد في البنوك .. واحد وست اصفار *** | |
إلا رغيف العيش القاهرة :13 مارس1982 موسى ناجىسايق عليك النبي ..
دكتور مهندس موسى ناجى
عدد الرسائل : 33
تحيا مصر
نقط Point : 9617
السٌّمعَة : 0
تاريخ التسجيل : 17/04/2011
- مساهمة رقم 1
إلا رغيف العيش القاهرة :13 مارس1982 موسى ناجىسايق عليك النبي ..
من طرف دكتور مهندس موسى ناجى الخميس 03 نوفمبر 2011, 5:40 am
