الرياضية
التعليمية
الاجتماعية
والأقمار الصناعية
وجهة نظر حول تطوير نظام التعليم المصري
1-لو هنمسك مشكله وضع اسئله الامتحان :
1-لو هنمسك مشكله وضع اسئله الامتحان :
اصلا بتبقى خطأ لان اغلبها بيكون قائم على الاسئلة المقاليه المفتوحة ودا بيلزم حفظ
فالحل هيكون ان درجة الامتحان عموما تقسم على جزء تحريرى - وجزء شفوى او عبارة عن تقديم مشروع ذى كده مشروع تخرج ( ومنها برده بتعلمه مهارات ذى العمل الجماعى والقيادة وغيرها اللى بتعتبر اساس فى سوق العمل والحياة اليومية اصلا
الاسئلة يكون جزء منها مقالى طبعا عشان يظهر قدرته على الكتابة والتاليف- والباقى اختيارى
يعنى كل مهارة اساسية عايزين نزرعها او نكتشفها فى الطفل بتبقى عن طريق نظام التعليم
2-مشكله : المعلم نفسه
ان بيبقى قبول المعلم شروطه سهله جدا يعنى اى حد بيبقى مدرس سهل جدا
الحل : ان يبقى فى شروط افضل من كده بمعايير تصلح لمعلم قدوة
+نزود قيمة المعلم فى المجتمع اللى اصل مهنه الانبياء
+نزود دخله الشهرى عشان ميلجأش لدروس خصوصيه او التقصير فى عمله ودا بدأ بشاير حله تظهر فى الفترة دى فعلا
3-مشكله الاهل
الاهل نفسهم بيكون من اكبر مصادر التعلم
فلو مثلا بدأ الحل : ان يكون فى دورات للتوعيه لاختيار شريك الحياة
صفات المربى الناجح ... وما شابه
وبالنسبة للام والاب اللى كبروا شويه : ممكن نشوف عمل اجتماعى خيرى مثلا بحيث يشارك فيه الاولاد مع اهلهم وبكده هيحس بدوره هو ذاته ودرو ابنه فى المجتمع
4-الاعلام :
مشكله كبيره جدا لانهها برده بتأثر على تربيه الاولاد
فالحل : انها تبقى اداة مساعده مش العكس يعنى تبقى فى حاجات قيمه وترفيهية برده
5-وجود نموذج يحتذى به
6-التعليم يبقى جزء من رؤية الدوله بحيث الشعب بمختلف طوائفه يكون شريك فيها - ودا ممكن فعلا يتحقق الفترة الجايه
7-ثقافة العمل التطوعى :
حاجه ذى ( حماه أو زمزم ) دى بعد فترة هتكون فرق تحتيها ينشروا الثقافه دى
8-طرق التعليم :
نفسها تتطلع من التلقين الى الابداع
الحل : تشجيع الابحاث العلمية فى الدوله و البعثات للخارج بحيث ينقلوا ما هو جديد
9-طريق القبول فى الجامعه
تبقى على القدرات وليس الدرجات
-الفكره نفسها اللى نفسى نوصلها ان اغلب الناس بيبدأو حياتهم العمليه بعد التخرج الا من رحم ربى
فلو قدرنا نخلى مراحل التعليم بأكملها هى سلالم لوصول هدف معين وليس عوائق
التعليم هيتحــــــول وهنبقى منتجين مش مستهلكين
-دا كوم والعشوائيات اللى فيها تعليم لكنه شبه معدوم لانه سىء للغايه دا غير البيئة السيئة جدا
-يعنى لو العتليم قام على معرفه كل واحد ميزته + انه يساعد غيره +يستمر فى التعلم مدى حياته يبقى رااااااااااااااااائع
مقال للأستاذة / شيرين عادل
مقال للأستاذة / شيرين عادل
